Boltinn: Vika 19

Jón Eggert mætti til leiks með mikið sjálfstraust eftir stór afrek í móti bankamanna norðan heiða. Kallinn sýndi takta sem hafa ekki sést í lengri tíma og leiddi lið sitt til öruggs sigurs. Aukamennirnir Egill og Baldvin áttu sinn þátt í sigrinum og held ég að ef þeir væru í stigakeppninni þá væru þeir frekar ofarlega.

Hefur annars einhver séð Markús? Toppmaðurinn hefur ekki sést í lengri tíma og nú er svo komið að menn halda að hann sé að mæta í Ingunnarskóla með einhverjum allt öðrum hóp :) En hann er venju samkvæmt á toppnum. 

Staðan eftir viku 19

1.-2. Markús - 32 stig
1.-2. Siggi - 32 stig
3.     Jón Ingi - 31 stig*
4.     Doddi - 29 stig
5.     Hálfdán -  26 stig
6.     Svanur - 23 stig
7.     Stebbi - 20 stig**
8.     Jón Eggert - 17 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert hefur sér ekkert til málsbóta

Næsta skref...

Menn hafa verið að velta því fyrir sér hvernig best sé að eyða þeim fjármunum sem okkur hefur tekist að nurla saman síðust ár. Mér var bent á athyglisverðan fjárfestingarkost í Búlgaríu.

Hvað segja menn um //cybergville, eða jafnvel //cybergwood? Þetta hljómar eitthvað svo rétt :)

Hvað er annars að frétta af þeim verkefnum sem lögð voru fyrir á síðasta ársfundi. Það hefur lítið heyrst af skipulögðum morgunverðarfundum. Var ekki Ingó með það verk? Ehf. innleiðingin er náttúrulega enn í fullum gangi.

Voru fleiri verkefni lögð fyrir hópinn Brjánsi?

Boltinn vika 17 og 18

Sárt tap í gær. Ekkert meira um það að segja. 

Staðan eftir viku 18

1.     Jón Ingi - 31 stig*
2.-4. Markús - 29 stig
2.-4. Siggi - 29 stig
2.-4. Doddi - 29 stig
5.-6. Hálfdán -  23 stig
5.-6. Svanur - 23 stig
7.     Stebbi - 20 stig**
8.     Jón Eggert - 14 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert hefur sér ekkert til málsbóta

Boltinn: Vika 16

Sl. viku hef ég verið að herða mig upp í það að skrifa um síðasta tíma í boltanum. Þetta var svona tími sem maður vildi helst gleyma, en stigatöflunnar vegna er það ekki hægt og því kemur hér staðan eftir tímann.

Mönnum var afar heitt í hamsi á þriðjudaginn og mátti oft litlu muna að ökklar, nef eða höfuðkúpur brotnuðu. Á einhvern óskiljanlegan hátt komust þó flestir nokkuð heilir frá tímanum, sem er vel. Hinn dagfarsprúði Hálfdán Gíslason hefur þó verið hálf lemstraður alla vikuna eftir misheppnaða tilraun til svokallaðrar íshokkítæklingar en síðustu fregir herma að hann verði klár í slaginn á þriðjudag. 

Um orsakir þess að svo hart var tekist á þess vikuna er erfitt að segja. Hins vegar er ljóst að margir þátttakendur í boltanum eru í hringiðu markaðarins sem verið hefur í frjálsu falli síðustu misserin. Má leiða að því líkum að menn hafi persónugert hinar ýmsu vísitölur í tímanum og tapað sér í ákveðinni "frústrasjón". Sjálfur ber ég við svefnleysi og tímabundnu brjálæði.

Það verður fróðlegt að fylgjast með því hvernig menn koma stemndir í næsta tíma en ljóst er að ákveðnir aðilar þurfa að bretta upp ermar og reyna að hífa sig upp töfluna fljótlega ef ekki á illa að fara. Þeir taka það til sín sem...

Staðan eftir viku 16

1.-2. Markús - 26 stig****
1.-2. Siggi - 26 stig
3.     Jón Ingi - 25 stig*
4.-5. Hálfdán -  23 stig
4.-5. Doddi - 23 stig
6.     Svanur - 20 stig
7.     Stebbi - 17 stig**
8.     Jón Eggert - 14 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert hefur sér ekkert til málsbóta
**** Mál Markúsar eru til skoðunar hjá lyfjanefnd boltans. Meira um það síðar. Það er afar grunsamlegt að Markús skuli hafa verið nánast samfleytt á toppnum í 3 ár. Í raun fáránlegt.

Handboltapælingar

Brjánn kveikti um daginn áhuga minn á því að glugga í gamlar færslur. Lestur minn á þeim þremur síðum sem við höfum ritað á sýndi mér hversu gaman það er nú að inn á þetta sé hripað við og við. Hér er tilraun til þess. Nú styttist í Evrópumótið og að sjálfsögðu verður Formaðurinn/Tónlistarstjórinn, Jón Eggert Hallsson, á staðnum. Mr. Handball eins og sumir vilja kalla kappann. Ég styrktist við lestur á stuðningsmannasíðu landsliðsins í þeirri trú minni að hér á Íslandi hugsi menn varla um handbolta án þess að JEH sé á öxlinni á þeim. Held að það væri því gaman að sjá hvort Jón getur ekki orðið nokkuð sannspár um gengi okkar manna á mótinu. Og hugsanlega þið hinir lesendur síðunnar líka.

Það þarf svosem ekkert að leggja undir þetta nema menn og konur heimti það... en gaman væri að hér yrði reynt á spádómsgáfuna. Set hér niður mína spá og hvet til þess að athugasemdakerfið verði nýtt til hins ýtrasta til að setja inn samskonar spár...

Topp 5 listi Sigga:
1. Spánn
2. Frakkland
3. Króatía
4. Þýskaland
5. Noregur

Og þar hafið þið það.

Vika 15

Ég átti alltaf eftir að henda inn stöðunni eftir síðasta boltatíma ársins. Þá vikuna mættu tveir sprækir "backup" spilarar, Baldvin og Nikki, sem báðir stóðu sig með prýði. Baldvin mætti þó sprækari og var mikilvægur í sigri síns liðs, sem samanstóð af honum, Hálfdáni, Jóni Inga og Svan.

Svanur mætti 20 mínútum of seint og rétt sleppur við að fá mínusstig. Þó er vert að geta þess að kallinn klikkaði aftur í aukabolta sem settur var upp á Þorláksmessu. Óafsakanlegt.

Staðan eftir viku 15

1.     Markús - 26 stig****
2.-3. Siggi - 23 stig
2.-3. Hálfdán -  23 stig
4.     Jón Ingi - 22 stig*
5.     Doddi - 20 stig
6.-7. Stebbi - 17 stig**
6.-7. Svanur - 17 stig
8.     Jón Eggert - 14 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert hefur sér ekkert til málsbóta
**** Mál Markúsar eru til skoðunar hjá lyfjanefnd boltans. Meira um það síðar. Það er afar grunsamlegt að Markús skuli hafa verið nánast samfleytt á toppnum í 3 ár. Í raun fáránlegt.

Boltinn vika 14

Ætlaði að vera löngu búinn að henda úrslitum síðustu viku hérna inn. Hér kemur þetta.

Sigur míns liðs í síðustu viku var nokkuð áreynslulítill. Mótherjarnir fundu ekki alveg taktinn og sumir hverjir virtust ekki einu sinni hafa fundið skóna sína fyrir tímann. Því fór það svo að við sigldum í höfn nokkuð auðfengnum þremur stigum og undirritaður styrkti stöðu sína í öðru sætinu. Eftirtektarverður er árangur Jóns Inga sem væri við toppinn ef hann kynni að nota reminder funksjónina í símanum sínum. Einnig er gaman að sjá hversu Hálfdán Gíslason virðist vera að koma sterkur inn eftir erfiða byrjun.

Aðspurður í síðustu viku um ástæður þess að hann er loks núna að ná sér á strik sagði hann: „Gæðin og hraðinn í þessum bolta eru einfaldlega það mikil að það tekur menn tíma að komast í takt við þetta“.

Það er hins vegar áhyggjuefni að sjá þá bakkabræður Jón Eggert og Svan á botninum og lítið útlit fyrir breytingu þar á. Síðasti tími ársins í kvöld og það lítur aftur út fyrir góða mætingu. Nú er mikilvægt að menn geri sitt til að sigla inn í nýja árið með sigur á bakinu.

Staðan eftir viku 14

1.     Markús - 26 stig****
2.     Siggi - 23 stig
3.     Hálfdán -  20 stig
4.     Jón Ingi - 19 stig*
5.-6. Doddi - 17 stig
5.-6. Stebbi - 17 stig**
7.-8. Svanur - 14 stig***
7.-8. Jón Eggert - 14 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert og Svanur hafa sér ekkert til málsbóta
**** Mál Markúsar eru til skoðunar hjá lyfjanefnd boltans. Meira um það síðar. Það er afar grunsamlegt að Markús skuli hafa verið nánast samfleytt á toppnum í 3 ár. Í raun fáránlegt.

Boltinn vika 13

Bolti í kvöld og það lítur út fyrir góða mætingu. Hef ekki haft mig í það að uppfæra stöðuna eftir síðustu viku enda fékk mitt lið harkalegan skell.

Staðan eftir viku 13

1.     Markús - 23 stig
2.     Siggi - 20 stig
3.-5. Doddi - 17 stig
3.-5. Stebbi - 17 stig**
3.-5. Hálfdán -  17 stig
6.     Jón Ingi - 16 stig*
7.-8. Svanur - 14 stig
7.-8. Jón Eggert - 14 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert og Svanur hafa sér ekkert til málsbóta

Boltinn - Update!

Jæja. Loksins vann ég aftur í boltanum og er því í skapi til að uppfæra stöðuna. Öllum að óvörum mætti Jón Ingi aftur. Það var vel.

Tek hérna uppfærslu síðustu tíma.

Eftir að hafa brugðist okkur í 9. viku ákvað Jón Ingi að klúðra málum aftur vikuna eftir og sendi engan mann fyrir sig. Spilað var með skiptimann í öðru liðinu sem klárlega dró svolítið úr stemningunni. Maður boltans þá vikuna var klárlega Jóhann Hilmar Hreiðarsson þjálfari sameinaðs liðs Dalvíkur og Árskógsstrandar. Hann sýndi takta sem minntu um margt á sænska miðjumanninn Ljubomir Vranjes og var mínu liði óþægur ljár í þúfu (Hvað er annars átt við með því??). Vranjes er að vísu handboltamaður en ekki líkindin í stjórnun spils og stimplun hjá þeim félögum voru augljós. Á endanum fóru leikar jafntefli og því hurfu menn nokkuð sáttir frá boltanum það kvöld.

Í viku 11. tókst sem betur fer að ná í Jón Inga og redda manni. Það gerði það að verkum að fjórir leikmenn léku í hvoru liði sem telst reyndar nokkuð hefðbundið. Sjálfur hafði ég búið mig undir leik með 3 gegn 3 og var því nokkuð úr takti við aðra leikmenn það kvöldið. Mitt lið beið lægri hlut, nokkuð óvænt.

Í kvöld var leikið af mikilli hörku og held ég að fullyrða megi að um mest spennandi leik vetrarins hafi verið að ræða. Markús var fjarri góðu gamni. Hann féll víst ansi harkalega í vikunni og er að glíma við eftirköstin. Aðrir fastamenn voru mættir auk Egils Skúla, sem verið hefur einn af virkari gestaspilurum vetrarins. Egill lék vel og átti stóran þátt í því að lið hans landaði sigri. Í lok tímans lá við að upp úr syði þegar tyrkneskir áhorfendur sem mættu í Álftamýrina hreyttu ónotum í nokkra leikmenn tapliðsins. Leikurinn var harður og var enn nokkur hiti í mönnum þegar þeir gengu til búningsherbergja. Mótanefndin mun fara vandlega yfir leikskýrsluna í vikunni og taka í kjölfarið ákvörðun um sektir og stigafrádrátt.

Staðan eftir viku 12

1.-2. Markús - 20 stig
1.-2. Siggi - 20 stig
3.-4. Doddi - 17 stig
3.-4. Stebbi - 17 stig**
5.-6. Svanur - 14 stig
5.-6. Hálfdán - 14 stig
7.     Jón Ingi - 13 stig*
8.     Jón Eggert - 11 stig***

* Sex stig voru dregin af Jóni Inga fyrir fáránlega lélega frammistöðu í "backup" reddingu.
** Enn er til skoðunar hjá mótanefnd hvort aukastig verði veitt til Stefáns vegna tveggja góðra fórna í þágu boltans: leigubílaatviksins margfræga og piparkökubrotthvarfsins
*** Jón Eggert hefur sér ekkert til málsbóta

Árshátíð 2008

Sælir félagar,

Hvað er að gerast með undirbúning fyrir árshátíðina 2008? Ég geri ráð fyrir að nefndin sé í miklum ham þessa dagana enda gríðarlega erfitt verkefni að standa jafnfætis nefnd síðasta árs :)

Marathon Man