Nokkrir tenglar...

Í veikri von um að halda smá lífi á síðunni gríp ég til þess að vísa mönnum, já og konum líka inn á nokkrar síður og færslur sem vakið hafa athygli mína. Þversögn? Hugsanlega, en ég býst við því að einhverjir líti aftur hingað síðar í leit að fleiri áhugaverðum tenglum. Held ég sé orðinn syfjaður. Mér finnst ég a.m.k. kominn í flokk færustu bullframleiðenda klúbbsins :)

Þessi færsla er áhugaverð lesning fyrir jakkafataarm klúbbsins. Mark Cuban sem á körfuboltaliðið Dallas Mavericks og er sniðugur kall skrifar endrum og sinnum áhugaverðar pælingar á síðuna sína. Þessi kall var eitt af því sem fékk mig til að yfirgefa mína menn í Bulls og hrópa áfram Dallas þegar ég datt inn í NBA boltann í USA.

Síðan er áhugavert að lesa pælingar Óla Stefáns sem vaknaði upp í hópi virtra Moggabloggara síðla síðastliðins árs.

Já, og að lokum hvet ég áhugasama til að kíkja á þessa færslu. Oft sniðugar pælingar á þessum bænum.

Merkilegt með þetta mál þarna á Ítalíu. Mér finnst eitthvað rangt við þessa lausn að spila fyrir auðum völlum. Sé ekki að það leysi málið. Menn mega ekki gefast upp, stinga hausnum í sandinn og telja sér trú um að þessi slagsmál eigi eitthvað skylt við leikinn góða. Leitt að refsa fjöldanum fyrir heimsku þeirra sauða sem mæta til að slást. Held reyndar að þessi grimmd á Ítalíu hljóti að tengjast þessum óendanlega leiðinlega varnarbolta sem áhorfendum er boðið uppá þarna syðra. Þetta er a.m.k. fáheyrt á Spáni. Pæling.

Athugasemdir

[Davíð (IP-tala skráð) 13.2.2007 kl. 10:13]

Það verður að segjast að síðan hin nýja og mjög svo frambærilega vefsíða Cyberg var sett í loftið hefur bloggið ekki verið eins öflugt hjá liðsmönnum. Eitt sem mér persónulega finnst vanta miðað við gömlu síðuna er að sjá hver er að blogga. T.d. sést ekki hver það var sem setti inn þessa síðustu færslu, ekki nema að ég sé blindur.